Быць добрым бацькам-самая адказная і патрэбная праца ў жыцці мужчыны. Стаць прыкладам для сына і добрым чараўніком для дачкі. Навучыць, расказаць, абараніць, растлумачыць і зрабіць усё гэта з любоўю і цярпеннем — такое можа толькі тата. Віншуем годных бацькоў, ганарымся імі і жадаем толькі шчасця і здароўя!

     У рамках святкавання Дня бацькі ў групах прайшлі мерапрыемствы, прысвечаныя святу: былі праведзены цікавыя тэматычныя заняткі, на якіх дзеці малявалі партрэты сваіх тат, а таксама вырабілі для тат віншавальныя паштоўкі. Была арганізавана выстава творчых работ: «Нашы таты лепш за ўсіх!».

     Прайшоў спартыўна-забаўляльны вольны час, прысвечаны Дню бацькі, дзе таты разам з дзецьмі ўдзельнічалі ў конкурсах: «самы трапны», «самы хуткі», «самы спрытны» і іншых. У выніку, як дарослыя так і дзеці атрымалі зарад бадзёрасці і выдатнага настрою.